थन विज्यानाच्वपिं सकलयात
स्वागत यायेत दना च्वना
थौंया थ्व पावन दिनया लसताय्
लसकुस लसकुस लसकुस याये
यलदेय् झीगू ललितकलाया
धर्म संस्कृति सभ्यताया
गुसतल त्वाःया प्रांगणय् मुना
लसकुस लसकुस लसकुस याये
करुणाया ज्ञान सयेकेगु योसा
बुद्ध शिक्षा कया छ्यलेगु खःसा
मैत्री करुणा मुदिता उपेक्षा
योसा वा थन छप्पं जुइवा
प्राणिया दुःखय् ख्ववि हायेकिम्ह
नरकय् स्वर्गय् न्ह्याथ्थाय्ं न्ह्याःम्ह
जगत उद्धारया प्रणिधान याम्ह
वा म्हसिकेवा करुणान्ध्यान
तिथि नेपाल सम्वत् ११३० श्रावण शुक्ल गुँलाथ्व प्रतिपदा बुधवार वि.सं. २०६७ २६ गते
श्री अमोघपाश लोकेश्वर धर्मागार उलेज्याः या मुँज्याःया लागि
